De Jhemp Hoscheit, 1951 zu Esch gebuer, war Proff am Péitenger LTMA an am Escher LGE. Hien ass Papp vun zwee Kanner. Hie schreift haaptsächlech Romaner, Cabarets- an Theatertexter, Kanner- a Jugendbicher op Lëtzebuergesch. Bis elo huet hien drësseg Bicher publizéiert, dorënner sechs Romaner an zwielef Kannerbicher. Op der CD Komm, lies mer vir! liest e seng bekannteste Kannertexter vir. Fir säin éischte Roman Perl oder Pica krut den Auteur 1999 de Servais-Präis. Den autobiographesche Roman ass 2005 vum Pol Cruchten verfilmt ginn. Säin zweete Roman Aacht Deeg an der Woch erzielt iwwert eng Jugend am Mee 1968. Den Auteur krut fënnef mol de Lëtzebuerger Buchpräis an ass bei siwen nationale Literaturconcoursen ausgezeechent ginn. Den Eppes – eng Geschicht iwwert en ale Spillroboter – an De Schmunzel – eng ko(s)mesch Geschicht mat Illustratioune vum Carlo Schneider – sinn zwee vu sengen erfollegräichste Kannerbicher. Déi meeschte Bicher si bei den Editions Guy Binsfeld erauskomm. Mat zwee satiresche Joresréckblécker war hie mam Jules Arpetti 2017 an 2019 op Liestournée. Mat hirem drëtte Programm Fréier wor alles…! si se schonn zënter 2020 mat groussem Erfolleg ënnerwee. Déi dräi Programmer sinn och publizéiert ginn. 2020 gouf hie vu senger Heemechtsstad Esch-Uelzecht mam Mérite culturel gëéiert. 2022 ass säi sechste Roman Tëschent den Zeilen bei den Editions Kremart publizéiert ginn.

De Jhemp Hoscheit, 1951 zu Esch gebuer, war Proff am Péitenger LTMA an am Escher LGE. Hien ass Papp vun zwee Kanner. Hie schreift haaptsächlech Romaner, Cabarets- an Theatertexter, Kanner- a Jugendbicher op Lëtzebuergesch. Bis elo huet hien drësseg Bicher publizéiert, dorënner sechs Romaner an zwielef Kannerbicher. Op der CD Komm, lies mer vir! liest e seng bekannteste Kannertexter vir. Fir säin éischte Roman Perl oder Pica krut den Auteur 1999 de Servais-Präis. Den autobiographesche Roman ass 2005 vum Pol Cruchten verfilmt ginn. Säin zweete Roman Aacht Deeg an der Woch erzielt iwwert eng Jugend am Mee 1968. Den Auteur krut fënnef mol de Lëtzebuerger Buchpräis an ass bei siwen nationale Literaturconcoursen ausgezeechent ginn. Den Eppes – eng Geschicht iwwert en ale Spillroboter – an De Schmunzel – eng ko(s)mesch Geschicht mat Illustratioune vum Carlo Schneider – sinn zwee vu sengen erfollegräichste Kannerbicher. Déi meeschte Bicher si bei den Editions Guy Binsfeld erauskomm. Mat zwee satiresche Joresréckblécker war hie mam Jules Arpetti 2017 an 2019 op Liestournée. Mat hirem drëtte Programm Fréier wor alles…! si se schonn zënter 2020 mat groussem Erfolleg ënnerwee. Déi dräi Programmer sinn och publizéiert ginn. 2020 gouf hie vu senger Heemechtsstad Esch-Uelzecht mam Mérite culturel gëéiert. 2022 ass säi sechste Roman Tëschent den Zeilen bei den Editions Kremart publizéiert ginn.