Muuuu – d’Kou Lizzie muss scho fréi aus dem Stréi, schliisslech hëlleft se mueres dem Bréifdréier d’Post ausdroen. Nom Spaghetti-Iesse puddelt se mat hire Kolleegen an der Baach an dann ass den Dag och scho bal ëm. Séier nach an d’Buedbidden an da gëtt sech erëm an d’Stréi geduckelt.
Erlieft e flotten Dag mam Lizzie an hire Frënn um Bauerenhaff a léiert esou ganz niewebäi déi wichtegst Begrëffer am Dagesoflaf kennen.