D'Jil Winandy ass 1990 zu Lëtzebuerg gebuer an zu Hesper opgewuess. No hirer Première huet si uschléissend Pedagogie, Sozial- an Erzéiungswëssenschafte studéiert an en Doktorat am Beräich Bildungswëssenschaften ofgeschloss.  
D’Jil ass faszinéiert vu Sproochen a begeeschtert vu Kannerbicher. 2022 koum mat „A wann …?!“ hiert éischt Kannerbuch eraus.

D’Lisa Bisenius huet no der Première op der Section artistique Architektur studéiert a schafft haut als Architektin. Schonn als Kand hat si eng grouss Begeeschterung fir Molen a Konscht entwéckelt an ass an enger kreativer Famill opgewuess. Si zeechent immens gär.
KUNO ass hiren éischte Buchprojet.