De klenge Kannibal

Edith Burggraff Anna Valentiny

„Iergendwann huet de klenge Kannibal sech esouguer getraut, mat sengem neie Frënd zesummen op d‘Kaméil ze klammen.

Hien ass wéi op enger Well gesurft, huet op de wäisse Sand ganz wäit ënne gekuckt, an d’Kand huet hie vun hanne sécher ugehalen an em dobäi erkläert, dass si um Déier sengem Energiespäicher géinge sëtzen.

Dunn duecht sech de klenge Kannibal, dass hien och esou eng Reserv bräicht. Mee d’Waasser wéier net dat Éischt, wat hien sech fir den Noutfall géif späichere wëllen.“

De klenge Kannibal ass eng Geschicht iwwert d‘Bezéiung tescht engem Kand an senger Mamm. Mee och iwwert d‘Groussginn, d‘Iwwerwanne vun Ängschten an d‘Sich no där enger Plaz, vu wou aus een et mat der ganzer Welt ophuelen kann.

Auteur(s)

Edith Burggraff

Anna Valentiny

Langue

Luxembourgeois

ISBN / ISSN

978-99987-617-2-8

Nombre de pages

Éditeur

Point Nemo Publishing

Date de sortie

01/05/2026

D’Edith Burggraff ass de 6. Dezember 1956 zu Veianen gebuer. No hirer Ausbildung an der Sektioun Beaux-Arts et Arts Décoratifs huet si 1976 zu Wien en Diplom als Werbegestalterin gemaach. Vun 1977 bis 1979 huet si als Gasthörerin Konschtgeschicht op der Universitéit Wien studéiert. Zanter 1980 schafft si als fräischaffend Kënschtlerin an de Beräicher Molerei, Zeechnung an Holzskulptur. Nieft verschiddene kënschtleresche Projeten huet si 2009 un der Ausstellung «Womenart» zu Shanghai deelgeholl. Säit 2016 sinn hir Holz- a Bronzeskulpturen esouwéi Zeechnungen an der Valentiny Foundation zu Rëmerschen ausgestallt.

D’Anna Valentiny ass 1991 zu Lëtzebuerg gebuer. Si ass Architektin, Verleeërin a Kuratorin a schafft op der Schnëttstell tëscht Architektur, Verlagswiesen a Kultur. Si ass Grënnerin a Geschäftsführerin vu Point Nemo Publishing, Chefredakterin vun ADATO – Publication Series for Art and Architecture a Partnerin bei Valentiny hvp Architects. An hirer Aarbecht beschäftegt si sech mat der Bezéiung tëscht Raum, Erzielung a Gestaltung. Si entwéckelt a realiséiert Bicher, Ausstellungen, Fuerschungs- an Architekturprojeten, vun der éischter Iddi bis zur Ëmsetzung.