Marc Thoma huet Journalismus a Politikwëssenschaften zu München an Tréier studéiert. Als Journalist bei RTL Radio huet hien ënner anerem d’Emissiounen „Geriichtschronik“ an „Ökomagazin“ realiséiert a moderéiert. Bei Télé Lëtzebuerg war hien iwwer Joerzéngten Auteur a Produzent vu bekannten Sendungen, dorënner „D’Bommeleeër“ an „De Nol op de Kapp.“ Mat der Serie „Et wor emol“ huet hien an iwwer 120 Radio- an Tëlevisiouns-Emissiounen d’Geschichte vu Lëtzebuerg op eng lieweg Manéier vermëttelt. Als Filmregisseur ass de Marc Thoma op Doku-Fiktiounsfilmer spezialiséiert. Zu senge bekannteste Produktioune fir Kino an Tëlevisioun zielen „Emil“, „D’Engelcher vu Schëndels“, „1000 Joer Buerg Klierf“ an „Operatioun Pauly“. Vill Biller a Szenen aus dëse Filmer hunn och an dësem Buch eng nei Form fonnt. Als Illustratioun begleeden si d’Geschichten a ginn hinnen eng zousätzlech lieweg a faarweg Dimensioun.